ऑल टाइम ७ टीम सांगायला नितेशही मागे नाही

कबड्डी खेळाडू आणि त्यांची ऑल टाइम टीम हा सध्या चर्चेचा विषय आहे. लॉकडाऊनमध्ये विविध कबड्डी खेळाडू आपल्या चाहत्यांशी संवाद साधत आहेत. यावेळी बऱ्याचदा चाहते खेळाडूंना त्यांची ऑल टाइम ७ टीम सांगण्याची विनंती करतात. यामध्ये आता नितेश कुमारची भर पडली आहे.

भारताचा आघाडीचा कबड्डीपटू नीतेश कुमार याने नुकतीच आपली ऑल टाइम ७ टीम सांगितली आहे. नितेश त्याचा प्रो कबड्डीचा संघ यूपी योद्धाने आयोजित केलेल्या मॅट और मसाला चाय या इन्स्टाग्राम लाईव्ह सेशनमध्ये बोलत होता.

नितेशची ऑल टाइम ७ टीम

१. बलदेव सिंग – राईट कॉर्नर
२. सुनिल कुमार – राईट कव्हर
३.सुमित – लेफ्ट कॉर्नर
४. अमित नरवाल – लेफ्ट कव्हर
५. परदीप नरवाल – रेडर
६. अजय ठाकूर – रेडर – कर्णधार
७. नवीन कुमार – रेडर

नितेश फ्युचर कबड्डी हिरोज उपक्रमातून प्रो कबड्डीत आला होता. प्रो कबड्डीच्या सहाव्या हंगामात त्याने १०० टॅकल पॉईंट्स नोंदविण्याचा विक्रम केला होता.