परवानगीशिवाय कबड्डी स्पर्धा, 50 हून अधिक जणांवर कारवाई

देशभरात करोनाचा प्रसार सतत वाढतो आहे. अजूनही कोरोना संक्रमित रुग्ण आहेत, बरेच मृत्यूही झाले आहेत. तरीही साथीच्या प्रसाराला आळा घालण्याच्या पार्श्वभूमीवर देण्यात आलेल्या प्रशासकीय इशाऱ्यांकडे
लोक दुर्लक्ष करीत आहेत. सहाबा महिपालसिंग गावात कबड्डी स्पर्धा आयोजित केल्याबद्दल गुन्हा दाखल करण्यात आला आहे. आयोजक आणि उपस्थित असलेल्या इतर लोकांचा पोलिस सक्रियपणे शोध घेत आहेत, असे अमर उजाला या दैनिकाने समोर आणले आहे.

3 सप्टेंबर रोजी फखरपूर पोलिस ठाण्यातील सहाबापूर महिपालसिंग गावात कबड्डी स्पर्धा आयोजित करण्यात आली होती. या दरम्यान आवाज ऐकून पोलिस आल्यावर लोक तेथून पळून गेले. यावेळी सोशल डिस्टन्सिंगच्या निकषांवर मुळीच लक्ष दिले जात नव्हते. शेकडो लोक स्पर्धा पाहण्यात व्यस्त होते. अनेक गावांमधील संघ स्पर्धेत भाग घेण्यासाठी आले होते. मात्र, पोलिस घटनास्थळी येण्यापूर्वीच लोक तेथून पळून गेले. सीओ कैसरगंज अरुण चंद्र यांनी सांगितले की, नऊ आयोजक आणि 40-50 अज्ञातांविरूद्ध गुन्हा दाखल करण्यात आला आहे. आरोपींचा शोध घेण्यात येत आहे.