म्हणून परदीपच्या ड्रीम टीममध्ये होता एकच कॉर्नर

रेकॉर्डब्रेकर परदीप नरवाल याने काही दिवसांपूर्वी आपली ड्रीम ७ टीम सांगितली होती. प्रो कबड्डी लीगच्या इंस्टाग्राम हँडलवरून आयोजित ‘बियॉंड द मॅट’ या लाईव्ह सत्रात बोलत होता.

परदीपच्या या टीममध्ये ४ अजय ठाकूर, पवन सेहरावत, नवीन कुमार, स्वतः परदीप हे चार रेडर म्हणून समाविष्ट होते. याबरोबर परवेश भैंसवाल राईट कव्हर म्हणून तर सुनील कुमार लेफ्ट कव्हर म्हणून होते परदीपने सुरेंदर नाडाचा समावेश लेफ्ट कॉर्नर म्हणून केला होता. राईट कॉर्नर म्हणून कुणाचे नाव सांगावे असा विचार परदीप करत असतानाच त्याला संघातील सात खेळाडू पूर्ण झाल्याचे सांगण्यात आले. चार रेडरचा संघात समावेश केल्याने परदीपच्या संघात राईट कॉर्नरची जागा रिकामीच राहिली.