श्रीकांत जाधवला मोठा धक्का – चाहत्यांशी संपर्क तुटला

भारताचा आघाडीचा कबड्डीपटू श्रीकांत जाधव याला मोठा धक्का बसला आहे. यामुळे त्याचा आपल्या चाहत्यांशी संपर्क तुटला आहे.

आज सकाळी श्रीकांतचे इन्स्टाग्राम अकाउंट हॅक झाले आहे. हॅकर्सने श्रीकांतचे अकाऊंट हॅक तर केलेच शिवाय पुढे जाऊन ते डिलीटही केले. आज सकाळी श्रीकांतच्या अकाउंटवरून त्याच्या फॉलोवर्सला एक विचित्र मेसेज पाठविण्यात आला होता.हा मेसेज श्रीकांतने नाही तर हॅकर्सनी पाठवला असल्याचे आता स्पष्ट होत आहे.

हॅकर्सच्या या कृत्यामुळे श्रीकांतचे इन्स्टाग्राम अकाउंट डिलीट झाले आहे.यामुळे जवळपास ७५००० हुन अधिक चाहत्यांशी श्रीकांतचा संपर्क तुटला आहे. लॉकडाऊन दरम्यान श्रीकांतने वेळोवेळी इन्स्टाग्राम लाईव्ह सेशन करून चाहत्यांशी संपर्क साधला होता.या घटनेमुळे काही दिवस तरी श्रीकांत त्याचा चाहत्यांच्या संपर्कात राहू शकणार नाही.

श्रीकांत प्रो कबड्डीमध्ये यूपी योद्धा संघाकडून खेळतो. त्याने भारतीय रेल्वेचेही प्रतिनिधित्व केले आहे.