बर्थडे बॉय अजय ठाकुरबद्दल तुम्हाला माहित नसलेल्या १० गोष्टी 

१. अजय ठाकूर हा मूळचा हिमाचल प्रदेशातील नलगड जिल्ह्यातील आहे. त्याचा जन्म 1 मे 1949 रोजी झाला. त्याचे वडील कुस्तीपटू आणि प्रशिक्षक होते. अजयने वयाच्या दहाव्या वर्षी कबड्डी खेळायला सुरुवात केली.

२. वयाच्या दहाव्या वर्षी अजय कबड्डी स्पर्धेत खेळण्यासाठी घरातुन पळून गेला होता.

३. १४ वर्षांचा कबड्डीचा अनुभव असणार्‍या अजय ठाकूरने २००७ च्या आशियाई इंडोर गेम्समध्ये पहिले आंतरराष्ट्रीय सुवर्णपदक जिंकले. २०१६ च्या कबड्डी विश्वचषकात अजय ठाकूरची महत्त्वाची भूमिका होती. चढाईत सर्वाधिक गुण नोंदवणारा खेळाडू तर होताच याशिवाय ६८ गुणांसकट सर्वाधिक गुण नोंदविणारा खेळाडूसुद्धा ठरला. तसेच या विश्वचषकात तो मालिकावीरदेखील ठरला.

४. २०१७ मध्ये इराणच्या गोर्गन येथे झालेल्या आशियाई कबड्डी अजिंक्यपद स्पर्धेत अजयने प्रथमच भारतीय संघाचे नेतृत्व केले, त्यानंतर कबड्डी मास्टर्स दुबई २०१८ मध्येही तो भारतीय संघाचा कर्णधार होता.

५. अजय ठाकूर प्रो कबड्डीच्या सर्व हंगामात खेळला आहे, पहिल्या दोन हंगामात तो बेंगळूरु बुल्सकडून खेळला आहे आणि तिसर्‍या व चौथ्या मोसमात तो पुणेरी पलटणकडून खेळला आहे. पाचव्या हंगामात तमिळ थालाईवाज या संघाने अजय ठाकूरला आपल्या संघात घेतले.

६. अजय ठाकूरची फ्लाइंग जंप कबड्डीमध्ये प्रसिद्ध आहे.

७. तो हिमाचल प्रदेश पोलिस सेवा केडरचा सदस्य आहे जो सध्या पोलिस उपअधीक्षक पदावर कार्यरत आहे.

८. २०१४ मध्ये इंचेऑन येथे झालेल्या आशियाई क्रीडा स्पर्धेत मिळालेल्या सुवर्णपदकामुळे त्याला हिमाचली ऑफ द इयर पुरस्काराने सन्मानित केले गेले.

९. अजयला त्याच्या डू किंवा डाय रेडमधील कौशल्यासाठी ओळखले जाते.

१०. अजयला २०१९ साली सुरुवातीला पद्मश्री आणि नंतर अर्जुन पुरस्काराने सन्मानित करण्यात आले.